Nestle uşaq qidasında təhlükəli bakteriyalar AŞKARLANDI

Nestle ehtiyat tədbiri olaraq Rusiya bazarındakı NAN 1 OPTIPRO körpə qidasının müəyyən partiyalarını geri çağırmaq qərarına gəlib.

Geri çağırma 21–22 oktyabr 2025-ci il tarixlərində istehsal olunmuş məhsullara aiddir:
– 1050 qramlıq qutu (2×525 q), partiyalar 52940346BA və 52950346BA;
– 400 qramlıq qutu, partiya 52950346AA.

REN TV-nin məlumatına görə, məhsulun demək olar ki, bütün ehtiyatları artıq bloklanıb və şirkət qalan hissələrin pərakəndə satış məntəqələrindən geri yığılması üçün zəruri addımlar atır.

Bu qərar, şirkətin bir sıra Avropa ölkələrində analoji tədbirlər görməsindən sonra verilib. Həmin ölkələrdə də uşaq qidalarının profilaktik qaydada geri çağırılması tələb olunurdu.

İsveçin Sweden Herald nəşri dəqiqləşdirir ki, təşəbbüs Nestlé zavodunun istehsal xətlərindən birində Bacillus cereus bakteriyasının aşkarlanması ilə bağlıdır.

Qeyd edək ki, Bacillus cereus qida zəhərlənməsinə səbəb ola bilən bakteriyadır.

Xpress.az