Uşaqlı ailələr əlavə ödəniş alacaqlar
"Biz dövlət sektorunda əməkhaqlarının artırılması, pensiyaların yüksəldilməsi, yoxsulluğun daha da azaldılması və vətəndaşların gəlirlərinin artırılması məsələlərini müzakirə edəcəyik”, –
Xpress.az xəbər verir ki, bunu prezident Vladimir Putin cümə axşamı iqtisadi məsələlərlə bağlı iclasın əvvəlində bildirib.
O, vurğulayıb ki, bu istiqamətlər “demoqrafik inkişafa və ailələrin rifahına birbaşa təsir edən”, “dövlətin ən mühüm prioritetlərindən” biridir. Yəni, bütün ölkə üçün həlledici əhəmiyyət daşıyır.
– Dövlət sektorunda (səhiyyə, təhsil, elm, mədəniyyət və s.) əməkhaqlarının səviyyəsi səmərəliliyin artmasına və nəticə etibarilə milli inkişaf məqsədlərinə nail olunmasına birbaşa təsir göstərir.
– “Təqaüdçülərin gəlirlərinin artırılması istiqamətində sistemli iş aparmaq vacibdir. Pensiyalar inflyasiyadan daha sürətlə artmalıdır”.
– 2025-ci il yanvarın 1-dən yaşa görə sığorta pensiyaları 7,6% indeksləşdiriləcək. Sosial pensiyalar isə aprelin 1-dən yaşayış minimumuna uyğun şəkildə artırılacaq. Hər bir halda dövlət vətəndaşlara tam pensiya təminatı verməlidir.
– “Dövlət sektorunda çalışanların pensiyalarının və maaşlarının artırılması ölkə iqtisadiyyatının vəziyyətindən asılıdır. Buna görə də kölgə iqtisadiyyatı və vergidən yayınma ilə mübarizə xüsusi diqqət tələb edir”.
– “Əməkhaqları və pensiyaların artırılması daxili tələbin genişlənməsinə, yerli istehsalın və xidmət sektorunun inkişafına təkan verir və ümumi iqtisadi artıma müsbət təsir göstərir. Bunlar cəmiyyətdə yoxsulluğun və bərabərsizliyin azaldılması, rus ailələrinin rifahının yaxşılaşdırılması üçün əsas şərtlərdir”.
Putin xatırladıb ki, Rusiyada yoxsulluğun səviyyəsi son illərdə rekord həddə düşüb: 2000-ci ildə 42 milyon nəfər (29%) yaşayış minimumundan aşağı səviyyədə yaşayırdısa, 2024-cü ilin sonuna bu göstərici 10 milyondan bir qədər çox (7,2%) olacaq. “Biz 2030-cu ilə qədər yoxsulluq səviyyəsini 7%-dən aşağı, 2036-cı ilə qədər isə 5%-dən aşağı salmaq hədəfinə doğru irəliləyirik”, – deyə prezident vurğulayıb.
