Mavritaniya səhrasında korlar kəndi: Əsrlərdir davam edən genetik sirr

Mavritaniya səhrasının dərinliklərində yerləşən ucqar bir kənd dünyanın ən qeyri-adi həyat tərzlərindən birinə ev sahibliyi edir.

Əsrlər boyunca davam edən genetik pozğunluq səbəbindən kənd əhalisinin demək olar ki, hamısı görmə qabiliyyətindən məhrumdur. Bu qeyri-adi vəziyyət bölgəni həm elmi tədqiqatların, həm də sənədli film layihələrinin diqqət mərkəzinə çevirib.
Elektrik enerjisi, internet və müasir həyatın digər əsas imkanlarının olmadığı kənddə gündəlik fəaliyyətlər ənənəvi üsullarla davam etdirilir. Xarici dünya ilə çox məhdud təmasda yaşayan sakinlər nəsillər boyu formalaşmış təcrübələrə əsaslanaraq həyatlarını davam etdirirlər. İcma daxilindəki güclü həmrəylik isə təsərrüfat işlərindən gündəlik qayğıya qədər hər sahədə çətinliklərin öhdəsindən gəlməyə kömək edir.
Mütəxəssislərin sözlərinə görə, kənd əhalisində geniş yayılmış görmə itkisi bölgənin uzun müddət təcrid olunması ilə sıx bağlıdır. Bu təcrid genetik xəstəliyin nəsildən-nəsilə ötürülməsinə şərait yaradaraq onun bu günə qədər davam etməsinə səbəb olub.

Xpress.az