Çürümüş pomidorları zibilə atmayın
Görünüşü pisləşdiyi üçün zibilə atdığınız çürüməyə başlamış pomidorlar əslində düşündüyünüzdən qat-qat daha dəyərli ola bilər. Mütəxəssislərin fikrincə, bir qədər yumşalmış, əzilmiş və ya qabığı qaralmağa başlayan pomidorları müxtəlif sahələrdə istifadə etmək mümkündür. Bu üsullar həm qənaət etməyə, həm də israfı azaltmağa kömək edir.
Çürümüş pomidorları zibilə atmayın
Qida israfının artdığı bu dövrdə mətbəxdə çürüməyə üz tutmuş meyvə və tərəvəzlərin zibilə atılması ən çox rast gəlinən hallardandır. Xüsusilə pomidor tez yumşaldığı və formasını itirdiyi üçün çox vaxt istifadəsiz hesab edilərək atılır.
Mütəxəssislərə görə, azca çürümüş və ya formasını itirmiş pomidorların zibilə atılması böyük səhvdir. Düzgün qiymətləndirildikdə onlar həm iqtisadi, həm də praktik həllər təqdim edir.
TƏBİİ SOS VƏ ŞORBALAR HAZIRLAMAQ OLAR
Qabığı qaralmağa başlayan pomidorlar yüksək temperaturda qısa müddətdə bişirilərək dadlı souslara çevrilə bilər. Yüngül şəkildə xarab olmuş hissələr təmizləndikdən sonra pomidorları makaron sousu, pizza sousu və ya pomidor şorbası hazırlanmasında rahatlıqla istifadə etmək mümkündür.
BAĞÇANIZ ÜÇÜN TƏBİİ GÜBRƏ
Çürüməyə başlayan pomidorların ən səmərəli istifadə sahələrindən biri də torpaqdır. Üzvi maddələrlə zəngin olan bu pomidorlar torpağa qarışdırıldıqda təbii gübrə rolunu oynayır. Bu üsul həm gül, həm də tərəvəz yetişdirənlər üçün qidalandırıcı mühit yaradır.
Çürüməyə üz tutmuş pomidorların zibilə atılmaq əvəzinə dəyərləndirilməsi həm ailə büdcəsinə qənaət edir, həm də qida israfının qarşısını alır. Mütəxəssislər məhsulun görünüşü pozulduqda onu dərhal atmaq əvəzinə hansı məqsədlərlə istifadə oluna biləcəyini öyrənməyin vacibliyini vurğulayırlar.
Gündəlik həyatda kiçik görünən bu addımların uzunmüddətli perspektivdə həm ətraf mühitə, həm də iqtisadiyyata müsbət təsir göstərdiyi qeyd olunur.
