Ukraynaya 2026-cı il üçün hərbi dəstəyi

Ukraynaya 2026-cı il üçün hərbi dəstəyi BU ÖLKƏLƏR GÖSTƏRƏCƏK

Xpress.az Redaksiyası 24.12.2025 23:18

Ukraynanın müdafiə naziri bildirib ki, dünən keçirilən Rammstein sammitində (ABŞ-ın iştirakı olmadan) 15 ölkə 2026-cı il üçün yeni maliyyə və hərbi öhdəliklər götürüb.

Ən böyük maliyyə yükü Almaniyaya düşür: 11,5 milyard avro. Yardımın əsas hissəsi hava hücumundan müdafiə sistemləri, dronlar və raketlərə yönəlib. Patriot və IRIS-T sistemləri Kiyevə vaxtından əvvəl çatdırılıb.

Norveç ikinci yerdədir və 2026-cı ildə ABŞ hava hücumundan müdafiə sistemlərinin dəstəklənməsi və “Çexiya təşəbbüsü” daxil olmaqla təxminən 7 milyard dollar həcmində hərbi yardım göstərəcək.

Digər ölkələrin verdiyi dəstək isə belədir:

Hollandiya: Dronlar üçün 700 milyon avro, o cümlədən Ukrayna istehsalı məhsullar üçün 400 milyon avro.

Böyük Britaniya: Dondurulmuş Rusiya aktivləri və tərəfdaş fondlarından istifadə etməklə hava hücumundan müdafiə üçün 600 milyon funt sterlinq.

Kanada: Dronlar, AIM-9 raketləri, elektro-optik sensorlar və digər hərbi texnika üçün 30 milyon dollar.

Danimarka: Aviasiya və hava hücumundan müdafiə üçün PURL proqramına 250 milyon avro.

Estoniya və Latviya: ÜDM-in 0,25%-i səviyyəsində dəstək, əsasən dronlar, elektron müharibə və PURL proqramına yönəldiləcək (Estoniya – 142 milyon avro, Latviya – 110 milyon avro).

Litva: PURL, Patriot proqramı, Çexiya təşəbbüsü və mina təmizləmə koalisiyası üçün 220 milyon avrodan çox yardım.

Lüksemburq: PURL proqramına 100 milyon avro, əlavə 15 milyon avro yardım.

Yeni Zelandiya: 15 milyon avro, Polşa: naməlum miqdarda mərmi, Monteneqro: PURL proqramına ianə hazırlayır, Portuqaliya: dronlar üçün 10 milyon avro.

Çexiya Respublikası: “Çex Təşəbbüsü” çərçivəsində 760.000 artilleriya mərmisinin çatdırılmasını maliyyələşdirib.

Nazirin sözlərinə görə, bu dəstək kifayət etmir və Ukraynanın müharibəni davam etdirmək üçün maliyyə resurslarının iki-üç dəfə artırılması zəruridir. Ölkənin qalan hissəsinin yaşaması isə ayrıca və fərqli məsələ kimi qalır.

Qeyd edilir ki, 18-19 dekabr tarixlərində Avropa Şurasında Rusiya aktivləri uğrunda mübarizə amansız olacaq.