Gəncə məktəbində İDMAN HƏFTƏSİ - FOTOLAR
5 Mart – Bədən Tərbiyəsi və İdman Günü ilə əlaqədar Məktəbəqədər və Ümumi Təhsil üzrə Dövlət Agentliyinin müvafiq əmrinə əsasən ümumi təhsil müəssisələrində 2–7 mart tarixlərində “İdman həftəsi” keçirilib.
Xpress.az xəbər verir ki, Gəncə şəhərindəki 7 nömrəli tam orta məktəbin şagirdləri "İdman həftəsi"ndə fəallıq nümayiş etdiriblər.
Məktəbin müəllimləri İmamyar İsmayılov, Səma Teyyubova, Pərvanə Cəmilova, Bəsti İsmayılova, Saidə Ramazanova və Şəfa Balayeva idmanın insan həyatında rolu, sağlamlığa təsiri, yeniyetmə və gəncləri zərərli vərdişlərdən uzaq tutması barədə şagirdlər arasında maarifləndirici söhbətlər aparıb, məktəbliləri həftəlik idman dərslərində olduğu kimi müxtəlif idman məşğələlərinə cəlb ediblər.
"İdman həftəsi" ərzində indiyə kimi müxtəlif idman yarışlarında iştirak edərək qalib olan yeniyetmə və gənclərin uğurları barədə də şagirdlərə məlumat verilib.
Ərturan İSMAYIL
