Zənglərin qısa xülasəsi çıxarılacaq, adıçəkilən qurumların siyahısı yaradılacaq
Çağrı mərkəzi xidmətlərinin avtomatlaşdırılması, Süni intellekt əsaslı Səsli Agent və Zənglərin Süni İntellekt əsaslı Təhlili Platformasının qurulması və tətbiqi üzrə xidmətlərin satın alınması üzrə tenderin qalibi müəyyənləşib.
Xpress.az xəbər verir ki, "İnnovasiyalar Mərkəzi" MMC tərəfindən elan edilən tenderin qalibi "Brain Solutions" MMC-dir.
Layihənin ehtimal olunan dəyəri 1.200.000 AZN-dir
Qalib şirkət sistemlərin stabil işləməsinə nəzarət – Texniki dəstək və dəyişikliklərin tətbiqi – Müvafiq komandaya tam bilik transferi (handover) işlərini həyata keçirəcək.
Yeni sistem zənglərin tam mətnə çevrilməsi (ASR) – Qısa xülasələrin çıxarılması və mövzu üzrə təsnifat – Operatorların fəaliyyətinin avtomatlaşdırılmış qiymətləndirilməsi – Zənglərdə adı çəkilən məhsul və qurumların siyahısının yaradılması – Problemin həlli səviyyəsinin təhlili və səs yazılarını dinləmə imkanı yaradacaq.
