Cəmiyyət
Metroda yeni rəis TƏYİNATLARI
Xpress.az Redaksiyası
06.05.2026 13:39
“Bakı Metropoliteni” QSC-də yeni kadr təyinatları olub.
Bununla bağlı QSC-nin sədri Vüsal Aslanov müvafiq əmrlər imzalayıb.
Belə ki, Sevinc Hacızadə QSC-nin Strateji İnkişaf Departamentinin Layihə İdarəedilməsi şöbəsinin rəisi, Orxan Mustafayev isə Elektrik təchizatı xidmətinin elektrik mühafizəsi və avtoteleidarəetmə distansiyasının rəisi vəzifəsinə təyin edilib.
Məlumat “Bakı Metropoliteni” QSC-dən təsdiqlənib.
Qeyd edək ki, bu təyinatadək S.Hacızadə “Azərbaycan Dəmir Yolları” (ADY) QSC-də bölmə müdiri, O.Mustafayev isə Sumqayıt Texnologiyalar Data Mərkəzində Energetika şöbəsinin müdiri vəzifəsində çalışıb. (İqtisadiyyat.az)
