Bu ərazilərdə intensiv yağış gözlənilir — Təhlükəli saatlar
Bakıda və ətraf ərazilərdə hava şəraitinin dəyişəcəyi proqnozlaşdırılır. Mayın 8-i günün birinci yarısında paytaxtda və Abşeron yarımadasında fasilələrlə yağış yağacağı ehtimal edilir.
Xpress.az xəbər verir ki, Milli Hidrometeorologiya Xidmətinin məlumatına görə, yarımadanın ayrı-ayrı hissələrində yağıntıların qısa müddətə güclənəcəyi gözlənilir.
Ölkənin digər bölgələrində də mayın ilk ongünlüyünün sonunadək qeyri-sabit hava şəraiti hökm sürəcək. Xüsusilə mayın 8-də əksər rayonlarda, ayın 9-u və 10-da isə əsasən dağlıq ərazilərdə yağıntıların davam edəcəyi bildirilir. Bəzi yerlərdə şimşək çaxacağı, dolu düşəcəyi, yüksək dağlıq ərazilərdə isə qar yağacağı ehtimalı var.
Yağışlı hava ilə əlaqədar çaylarda suyun səviyyəsinin yüksələcəyi, bəzi dağ çaylarından isə qısamüddətli sel keçəcəyi gözlənilir.
Qısaca, mayın 10-na kimi ölkə ərazisində hava yağmurlu keçəcək, çaylarda sel təhlükəsi yarana bilər.
