“Zəka Masası: Birlikdə İnkişafa Doğru" mövzusunda intellektual forum keçirildi
Bu gün Bakı şəhərində "Edu Forum" MMC-nin təşkilatçılığı ilə təhsil işçilərini və dəyərli ziyalıları bir araya gətirən "Zəka Masası: Birlikdə İnkişafa Doğru" mövzusunda möhtəşəm səhər yeməyi görüşü və intellektual forum keçirildi.
Görüşün əsas məqsədi təhsil sahəsindəki yenilikləri müzakirə etmək, peşəkar əməkdaşlıq bağlarını gücləndirmək və gələcək inkişafın yol xəritəsini birgə cızmaq idi. Olduqca səmimi və eyni zamanda yüksək intellektual atmosferdə keçən tədbirdə, iştirakçılar həm fikir mübadiləsi apardılar, həm də komanda ruhunu hiss etdilər.
Biz inanırıq ki, təhsilin inkişafı məhz belə birgə addımlardan, ortaq zəkadan və möhkəm əməkdaşlıqdan keçir. "Birlikdə İnkişafa Doğru" şüarı ilə çıxdığımız bu yolda bizimlə olan, enerjisi və ideyaları ilə görüşümüzə dəyər qatan hər bir iştirakçıya dərin təşəkkürümüzü bildiririk!
Gələcək layihələrdə və yeni "Zəka Masası" ətrafında görüşmək ümidi ilə!
