Siyasət
İran ABŞ hərbçilərini vurdu - Yaralılar var
Xpress.az Redaksiyası
18.07.2026 11:47
İran bu həftə İordaniyadakı ən azı iki hərbi bazaya hücum təşkil edib. Hücum nəticəsində həmin hərbi obyektlərdə yerləşən bir neçə ABŞ hərbi qulluqçusunun yaralandığı bildirilir.
Xpress.az xəbər verir ki, bu barədə "CBS News" telekanalına adlarının açıqlanmasını istəməyən ABŞ rəsmiləri məlumat verib.
Hazırda hücum nəticəsində amerikalı və ya iordaniyalı hərbçilər arasında ölən olmadığı bildirilir. Lakin yaralanan hərbi qulluqçuların xəsarətlərinin hansı dərəcədə ağır olduğu hələlik qeyri-müəyyən olaraq qalır.
Qeyd edək ki, ABŞ-a məxsus hərbi təyyarələr İordaniyanın hərbi obyektlərindən və hava bazalarından tez-tez istifadə edir.
