Payız gələn kimi niyə tez-tez xəstələnirik? – 5 əsas səbəb
Payızda havaların soyuması, temperatur dəyişiklikləri və qapalı məkanlarda daha çox vaxt keçirilməsi respirator infeksiyaların yayılmasını artırır. Lakin tez-tez xəstələnməyə yalnız hava şəraiti deyil, yuxusuzluq, balanssız qidalanma və uzunmüddətli stress də təsir edə bilər.
Kifayət qədər yuxu və düzgün qidalanma orqanizmin normal fəaliyyətini dəstəkləyən əsas amillərdəndir.
Mütəxəssislər mövsüm dəyişiklikləri zamanı fiziki aktivliyə də diqqət etməyi tövsiyə edirlər. Uzun müddət hərəkətsiz qalmaq əvəzinə gündəlik gəzintilər etmək, mümkün qədər açıq havada vaxt keçirmək və stressi azaltmaq ümumi sağlamlıq üçün faydalıdır.
Payız-qış aylarında gigiyena qaydalarına əməl etmək də vacibdir. Əlləri mütəmadi yumaq, qapalı məkanları havalandırmaq, xəstə insanlarla yaxın təması məhdudlaşdırmaq və öskürək-asqırıq zamanı gigiyena qaydalarına riayət etmək infeksiyalara yoluxma riskini azaltmağa kömək edə bilər.
