İbrahim Tatlısəsin miras qərarı övladlarını qəzəbləndirib

İbrahim Tatlısəsin miras qərarı övladlarını qəzəbləndirib

Məşhur xalq müğənnisi İbrahim Tatlısəsin mirasla bağlı qərarı ailə içində gərginliyə səbəb olub. Müğənninin oğlu Ahmet Tatlısəsə atasına yaxınlaşmaq qadağan edilib və ona elektron izləmə qolbağı taxılıb.

Xalq artisti İbrahim Tatlısəs prokurorluğa müraciət edərək oğlu Ahmet Tatlısəs barəsində hüquqi tədbir görülməsini istəyib.
Oktyabr ayının sonunda məhkəmə müğənninin ərizəsinə baxaraq, Əhməd Tatlısəsə atasına yaxınlaşmaq qadağasıqoyub və elektron qolbaqla izlənilməsi barədə qərar çıxarıb.

Ahmet Tatlısəs sosial mediada yayılan xəbərlərə münasibət bildirərək, atası ilə arasında yaranan mübahisənin əmlak davası olmadığını, məqsədinin ailəni qorumaq olduğunu bildirib.
O, atasının bütün mirasını 2021-ci ildə evləndiyi Gülçin Karakayaya buraxmaq qərarına gəldiyini iddia edib.

Müğənninin bu addımı, iddiaya görə, digər övladlarının da narahatlığına səbəb olub.

Ahmet Tatlısəs paylaşımında bunları deyib:

“Mən Əhməd Tatlısəsəm. Son bir neçə gündə haqqımızda yayılan xəbərlərlə bağlı danışmaq məcburiyyətindəyəm. Bəli, atam qərar verib və mən buna hörmət edirəm. Bir ilə yaxındır ki, bir-birimizi görmürük. Heç bir telefon zəngi, mesaj və ya əlaqə yoxdur. Mən İstanbulda yaşayıram, o isə İzmirdə, yəni fiziki təmasımız da yoxdur.

Təxminən dörd ildir ki, hüquqi proses davam edir, amma bu, mülkiyyət məsələsi deyil. Biz sadəcə ailəmizi qorumağa çalışırıq. Atamın bütün var-dövlətini 20 yaşlarında bir xanıma buraxmaq istədiyini eşidəndə çox təəccübləndim. Yeddi uşağı olduğu halda belə bir qərar mənə doğru görünmədi. Tək məqsədim qardaşlarımı və ailəmi qorumaq idi.”

İddialara cavab olaraq, İbrahim Tatlısəs və ya onun həyat yoldaşı Gülçin Karakayanın mövqeyi hələlik ictimaiyyətə açıqlanmayıb.