Bu gün Milli Musiqi Günüdür

Bu gün Azərbaycanda Milli Musiqi Günü qeyd olunur.

Hər il sentyabrın 18-i dahi Azərbaycan bəstəkarı, professional musiqi sənətimizin banisi Üzeyir Hacıbəylinin doğum günü münasibətilə Milli Musiqi Günü kimi qeyd edilir.

Üzeyir Hacıbəyli 1885-ci il sentyabrın 18-də anadan olub. O, Azərbaycan bəstəkarlıq məktəbinin əsasını qoyub, Şərqdə ilk opera olan “Leyli və Məcnun”un müəllifidir. Bəstəkarın yaradıcılığı milli musiqinin inkişafında yeni mərhələnin başlanğıcı hesab olunur.

Üzeyir Hacıbəylinin doğum gününün ölkə miqyasında musiqi bayramı kimi qeyd edilməsi ənənəsi 1995-ci ildən rəsmiləşib. Həmin ildən sentyabrın 18-i Azərbaycanda Milli Musiqi Günü kimi qeyd olunur.

Maraqlıdır ki, Azərbaycan musiqisinin digər görkəmli nümayəndəsi, bəstəkar və dirijor Müslüm Maqomayev də 1885-ci il sentyabrın 18-də anadan olub.

Milli Musiqi Günü münasibətilə hər il Bakıda və regionlarda müxtəlif konsertlər, musiqi proqramları və mədəni tədbirlər təşkil olunur.

Qeyd edək ki, Üzeyir Hacıbəylinin anadan olmasının bu il 141 ili tamam olur.