Dünya
Kinoteatrda kvars lampalara görə 32 nəfər göz yanıqları alıb- BU ÖLKƏDƏ
Xpress.az Redaksiyası
05.11.2025 20:45
Rusiyanın Abakan şəhərində bir kinoteatrda film izləyən 32 nəfər, o cümlədən 20 uşaq, göz yanıqları ilə xəstəxanaya müraciət edib.
Rusiya KİV-lərə istinadən xəbər verir ki, hadisəyə səbəb kinoteatr işçilərindən birinin dezinfeksiya üçün istifadə edilən kvars lampalarını söndürməyi unutması olub. Film nümayişi zamanı bakterisid avadanlıqlar işləməyə davam edib.
Hadisə yerinə tibb işçiləri çağırılıb və zərərçəkənlərə lazımi tibbi yardım göstərilir.
Abakanda düzgün olmayan xidmət göstərilməsi faktı ilə bağlı cinayət işi açılıb.
