Televiziya rejissorundan SƏRT TƏNQİD: “ATV-də translığı təbliğ edirlər”

Tanınmış televiziya rejissoru Salam Məmmədəliyev ATV telekanalında yayımlanan “Şən gənc” adlı verilişlə bağlı sosial şəbəkə hesabında sərt tənqid səsləndirib.

Rejissor proqramın məzmununu, iştirakçıların çıxışlarını və münsif heyətini məqsədəuyğun hesab etmədiyini bildirib.
Məmmədəliyev paylaşımında bunları qeyd edib:
“ATV-də ‘Şən gənc’ adlı düşük bir veriliş yayımlanır. Adam şəxsiyyətindən utanır. Bu nə rəzillikdir? Bir neçə nəfər qadın paltarı geyinib guya tamaşa göstərirmiş kimi translığı təbliğ edirlər. Bunlar Şirvan Gənclər Evinin uşaqlarıdır. Ayıbdır. Münsiflər isə Rafael İsgəndərov, Coşğun Rəhimov və Kubra Əliyevadır. Çox ayıb. Sizlərə heç yaraşdırmadım. Aktyor sənətini bu qədər ucuz tutmayın.”
Rejissor əlavə edib:
“Maraqlı bir faktı da nəzərinizə çatdırım: gənclərimizin çoxu dilimizə bir neçə yeni ‘hərf’ gətirib. ‘Ц’nı bilirdim, amma indi C ilə G-nin və Ç ilə K-nın qarışığı olan daha bir neçə ət tökən tələffüz də yayılıb.”
Salam Məmmədəliyev verilişin efir standartlarına uyğun olmadığını və aktyor sənətinə hörmətsizlik kimi qiymətləndirdiyini vurğulayıb. O, həmçinin gənclərin nitq mədəniyyətində yaranan anlaşılmayan yeni tələffüz formalarından narahatlığını ifadə edib.