Günəşin Yerə baxan tərəfində təhlükəli ləkə kompleksi AŞKARLANDI
2025-ci ildə ən əhəmiyyətli günəş ləkəsi kompleksi Günəşin Yerə baxan tərəfində formalaşıb və alimlərin fikrincə, burada superpartlayış baş verməsi üçün lazım olan enerji toplanır. Bu barədə bazar ertəsi Rusiya Elmlər Akademiyasının Kosmik Tədqiqatlar İnstitutunun Günəş Astronomiyası Laboratoriyasının nümayəndələri məlumat yayıblar.
Laboratoriyanın Telegram kanalında bildirilir ki, iki gün əvvəl Yerə çatan cənub günəş ləkələri qrupu hazırda 1600 vahid səth sahəsi ilə ilin ən böyük göstəricisinə malikdir. Bu rəqəm 21-ci əsrdə qeydə alınmış ən iri günəş ləkələri qruplarının təxminən 60%-i (təqribən 2800 vahid) səviyyəsindədir və 2025-ci ilin mayında qeydə alınan 1200 vahidlik əvvəlki rekord göstəricini artıq üçüncü dəfə üstələyib.
ABŞ Milli Okean və Atmosfer Administrasiyasının (NOAA) məlumatına əsasən, bu nəhəng ləkə kompleksi üç hissəyə bölünüb: 4296, 4294 və 4298.
Alimlər qrupun qeyri-adi “səssizliyini” vurğulayırlar. Onların sözlərinə görə, bu hal izaholunmaz olaraq qalır və hətta məşhur “Kainatın səssizliyi” paradoksu ilə müqayisə edilə bilər. Məsələn, indiki 4299 nömrəli, əvvəlki adı 4274 olan qrup cəmi 100 vahid ölçüyə malik olsa da, bu gün yeni rentgen alışması qeydə alıb.
Laboratoriya mütəxəssisləri ehtimalı istisna etmirlər ki, yeni yaranmış günəş ləkələri qrupunda enerji toplanması davam edərsə, o, fövqəladə hadisənin — superpartlayışın baş verə biləcəyi mənbəyə çevrilə bilər.
Xpress.az
