Azərbaycanda ilk dəfə “Qəlbin Üç Səhnəsi” adlı psixoloji tamaşa və interaktiv təlim BAŞ TUTDU
Bakıda cəmiyyətin psixoloji rifahının gücləndirilməsinə, emosional fərqindəliyin artırılmasına və münasibət keyfiyyətlərinin yüksəldilməsinə yönəlmiş yeni və innovativ layihə – “Qəlbin Üç Səhnəsi” adlı psixoloji tamaşa və təlim formatlı tədbir keçirilib.
Tamaşa və təlimin sintezindən ibarət olan bu unikal layihə iştirakçılara həm emosional təcrübə, həm də elmi bilik qazandırmağı hədəfləyən ikiqat öyrədici model kimi təqdim olunub.
Layihənin ideya müəllifi və təqdimatçısı TOTEM Psixologiya Mərkəzinin rəhbəri, klinik psixoloq Lalə Həmidli,
Layihənin təşkilatçısı isə First Shine Academy-nin təsisçisi Gülnur Əliyeva olub.
Tədbir psixoloji mövzularla yanaşı, incəsənət, təhsil və sosial məsuliyyəti bir araya gətirən nüfuzlu bir platforma kimi dəyərləndirilib. Psixoloji travmaların səhnə dili ilə təqdim edildiyi tamaşalar “OL Teatr”ın aktyorlarının ifasında, əməkdar rejissor Namiq Ağayevin quruluşunda səhnələşdirilib. Hər səhnənin ardınca klinik psixoloq Lalə Həmidli tərəfindən mövzular elmi əsaslarla təhlil edilib.
Tədbirdə üç əsas psixoloji mövzu səhnələşdirilib:
1️⃣ Uşaqlıq travmaları – borderline şəxsiyyət tipi, itirmə qorxusu və asılılıq
2️⃣ Münasibətlər – narsist və psixopat tip davranışlar
3️⃣ Daxili gərginlik – depressiya, həyəcan-təşviş və obsesiv kompulsiv pozuntu
Tədbirin məqsədi psixoloji rifahın artırılması, psixologiya mövzusunda ictimai maarifləndirmənin gücləndirilməsi və fərdi inkişafın dəstəklənməsi olub.
Təşkilatçılar tərəfdaşlara və sponsorlara təşəkkürlərini bildiriblər:
SF Doors və Vəhdət Xeyriyyə Cəmiyyəti
Başkent Restoranlar Şəbəkəsi və Başkent Catering
Solida Mall
Bağbanın Bağçası
Sürə Su
Meta4Fashion
Narly
Tahmina Accessories
Cığır Mənəvi Dəyərlərin İnkişafına Dəstək İctimai Birliyi
Bununla yanaşı, tədbirdə iştirak edən rəsmi qonaqlara, media nümayəndələrinə, o cümlədən MEDIA GROUP – Mövlud bəyə, Motivator Platforması – Yusif bəyə və bütün iştirakçılara xüsusi təşəkkür edilib.
Təşkilatçılar “Qəlbin Üç Səhnəsi” layihəsinin təkcə bir tədbir deyil, psixoloji maarifləndirmə istiqamətində yeni bir başlanğıc olduğunu vurğulayıblar.
