Moskvada restoranlar kütləvi şəkildə BAĞLANIR - SƏBƏB
Moskva pandemiya dövründən bəri ictimai iaşə obyektlərinin bağlanması baxımından ən genişmiqyaslı dalğa ilə üzləşib.
Cari ilin yanvar ayının tam başa çatmamasına baxmayaraq, paytaxtda “Dorogaya ya perezvonyu”, “Smoke BBQ”, “The Toy”, “Mimi”, “Beerside” və “Valenok” da daxil olmaqla 45 məşhur restoran və bar fəaliyyətini dayandırıb.
Ekspertlərin qiymətləndirməsinə görə, il ərzində Moskvada ən azı 465 ictimai iaşə müəssisəsi bağlana bilər.
Bu mənfi tendensiya iri şəbəkələrdən də yan keçməyib. Belə ki, 2025-ci ilin sonlarından etibarən onlar bazardakı mövqelərini zəiflədərək onlarla obyektini bağlayıblar.
Mütəxəssislər əsas səbəb kimi tələbatın kəskin azalmasını göstərirlər. Belə ki, restorana getmək bir çoxları üçün artıq əlçatmaz lüksə çevrilib. Bu il sahəyə əlavə təzyiq göstərən amillərdən biri də ƏDV-nin artmasıdır.
