Sosyologiya və Atalar Sözləri” kitabı nəşr olundu

Professor doktor Hüseyin Balın “Sosyologiya və Atalar Sözləri” adlı yeni kitabı işıq üzü görüb. Antalya Belek Üniversitesi Humanitar Elmlər Vəqfinin dekanı olan müəllif bu əsərində atalar sözlərini sosioloji prizmadan təhlil edir.

Kitabda Şumerlər dövründən bu günə qədər formalaşan atalar sözləri tarixi çərçivədə araşdırılır. Türkmən, qazax, özbək, qırğız, uyğur, Azərbaycan və Anadolu coğrafiyalarında yaranmış atalar sözləri müqayisəli və tematik analiz üsulu ilə dəyərləndirilir.

Müəllif vurğulayır ki, atalar sözləri yalnız dil mirası deyil, eyni zamanda cəmiyyətin sosial quruluşunun, mədəni dəyərlərinin və tarixi təcrübəsinin aynasıdır. Əsərdə sosiologiyanın bütöv və dərin yanaşması atalar sözləri üzərindən təqdim olunur.

Kitabda müxtəlif türk topluluqlarına məxsus ortaq və fərqli atalar sözləri araşdırılaraq mədəni davamlılıq və dəyişmə prosesi təhlil edilir. Beləliklə, şifahi xalq ədəbiyyatının ictimai yaddaşdakı rolu sosioloji baxımdan şərh olunur.

“Sosyologiya və Atalar Sözləri” Otorite Yayınevinin 100-cü nəşri kimi çap olunub. Əsərin sosial elmlər sahəsində çalışan alimlər və mədəniyyət araşdırmaçıları üçün mühüm mənbə olacağı gözlənilir.