Avropanın 10 ölkəsi böyük təxliyə planı hazırlayır

On Skandinaviya ölkəsi böyük böhran və ya hərbi münaqişə halında mülki şəxslərin sərhəddən təxliyəsi üçün birgə mexanizmlər hazırlamaq barədə razılığa gəlib.

İsveç tərəfi bu barədə açıqlama yayıb.

İsveç rəsmiləri bu təşəbbüsün Ukraynadakı tammiqyaslı müharibə təcrübəsindən irəli gəldiyini bildiriblər.

Razılaşmalara əsasən, ölkələr nəqliyyat, sərhəd nəzarəti, insanların hərəkəti üçün təhlükəsiz dəhlizlərin yaradılması və digər təşkilati məsələlər üzrə əlaqələndirilmiş planlar hazırlayacaqlar.

İsveç Müdafiə Nazirliyinin açıqlamasında qeyd olunub ki, Ukraynanın təcrübəsi göstərir ki, müvəqqəti əhali köçürülməsi milli müdafiənin davam etdirilməsinə imkan verir və eyni zamanda mülki şəxslərin qorunmasını təmin edir.

İsveç tərəfi aydınlaşdırıb ki, sərhəddən təxliyə planlaşdırması təkcə nəqliyyat və logistikanı deyil, həm də insanların qəbulu və qeydiyyatı mexanizmlərini, eləcə də həssas qruplar üçün xüsusi qoruyucu tədbirləri əhatə edəcək.

"Sazişin məqsədi böyük böhranlar və ya ən pis halda müharibə zamanı mülki şəxslərin müdafiəsini gücləndirməkdir", - deyə bildirilib.

Qeyd edək ki, Almaniya, Polşa, eləcə də Estoniya, Latviya, Litva, Norveç, Finlandiya, İslandiya və Danimarka kimi NATO-ya üzv ölkələr sazişə qoşulub.