Gündəm
Bakıda eşidilən dron səsləri müzakirə yaratdı - Video
Xpress.az Redaksiyası
16.03.2026 10:15
Gecə saatlarında Bakıda dron uçması ilə bağlı məlumatlar yayılıb. Bu, sosial şəbəkələrdə istifadəçilər arasında müzakirələrə səbəb olub.
Yayılan videolarla bağlı hərbi ekspert Ədalət Verdiyev də paylaşım edib.
O qeyd edib ki, bu gecə Bakı səmasında müşahidə olunan PUA-lar Azərbaycana aiddir: “Uçuşlar paytaxtın hava məkanına nəzarət və təhlükəsizliyin təmin edilməsi məqsədi daşıyır. Daha əvvəllər də buna bənzər uçuşlar keçirilib. Narahatlıq üçün səbəb yoxdur”.
Məsələ ilə əlaqədar Müdafiə Nazirliyi rəsmi məlumat yaymasa da, nazirlikdən Manset.az-ın sorğusuna “Narahatlığa heç bir əsas yoxdur” cavabı verilib. /qafqazinfo.az/
