Amerikalı astronavt evində UNO ilə qarşılaşıb

Amerikalı astronavt evində UNO ilə qarşılaşdığını bildirib.

Xpress.az-ın Daily Mail qəzetinə istinadən verdiyi məlumata görə, amerikalı astronavt Brian Binnie sənədli filmdə naməlum uçan obyektlərlə (UNO) qarşılaşmasından danışıb.

Binninin sözlərinə görə, bu hadisə orbitdə deyil, 2003-cü ildə California ştatındakı evinin yataq otağında baş verib. O bildirib ki, səhər tezdən pəncərəyə doğru hərəkət edən iki parlaq işıq görüb və bu işıqların ona yaxınlaşdığını müşahidə edib. Astronavt qeyd edib ki, belə bir işıq hadisəsi ilə əvvəllər heç vaxt qarşılaşmayıb.

Brian Binnie bu barədə yalnız 20 il sonra danışmaq qərarına gəlib. Sənədli filmin icraçı prodüseri isə onun qüsursuz nüfuzunu nəzərə alaraq hekayəyə ciddi yanaşmağın vacib olduğunu bildirib.

Daha əvvəl isə təqaüddə olan ABŞ Hərbi Hava Qüvvələri generalı William Neil McCasland UFO məlumatlarını gizlətməkdə şübhəli bilinərək axtarışa verilib. Məlumata görə, o, yoxa çıxmazdan əvvəl sonuncu dəfə Albuquerque şəhərində görülüb və səhhətində problemlərin olduğu ehtimal edilir.

UFO tədqiqatçıları hesab edirlər ki, general William Neil McCasland 1947-ci ildə Roswell incident kimi tanınan hadisənin araşdırılmasında iştirak etmiş ola bilər.