Almaniyadan gözlənilməz QƏRAR

Almaniyada Putinin təşəbbüsü ilə bağlı müzakirələr genişlənir

Xpress.az xəbər verir ki, Sahra Wagenknecht Almaniyanın “Welt” televiziyasına verdiyi müsahibədə Rusiya prezidenti Vladimir Putinin keçmiş kansler Gerhard Schröderin mümkün danışıqlar prosesinə cəlb olunması ideyasını müsbət qiymətləndirib.

Wagenknecht bildirib ki, Putinlə Şröder arasında uzun illər formalaşmış qarşılıqlı etimad mövcuddur və bu faktor danışıqların başlanması üçün faydalı ola bilər. Onun sözlərinə görə, rəsmi qərarlar hazırkı Almaniya hökuməti tərəfindən verilsə də, Şröder tərəflər arasında dialoqun qurulmasına töhfə verə biləcək fiqurlardan biridir.

Siyasətçi çıxışında Almaniyanın hakim koalisiyasını və kansler Friedrich Merzi də sərt tənqid edib. O hesab edir ki, Berlinin və ümumilikdə Avropanın danışıqlardan uzaq qalması düzgün siyasi xətt deyil.

Wagenknecht həmçinin keçmiş kansler Angela Merkelin də bu məsələdə daha fəal mövqe sərgiləməsinin vacibliyini vurğulayıb. Onun fikrincə, Avropanın diplomatik proseslərdən təcrid olunması regionun gələcək təhlükəsizliyi baxımından mənfi nəticələr yarada bilər.

Qeyd edək ki, Almaniyada kansler Fridrix Merzin fəaliyyəti ilə bağlı tənqidlər son dövrlərdə daha da artıb. Yerli mediada onun reytinqinin aşağı düşməsi və ictimai narazılığın güclənməsi barədə müxtəlif məlumatlar yayılır.