Səfirlikdə casusluq qalmaqalı
James Roscoe Böyük Britaniyanın Vaşinqtondakı səfirliyində baş verən məxfi məlumat sızması ilə bağlı araşdırma çərçivəsində vəzifəsindən uzaqlaşdırılıb.
Xpress.az xəbər verir ki, bu barədə The Times qəzeti məlumat yayıb.
Məlumata görə, ABŞ-da fəaliyyət göstərən Britaniya diplomatik missiyasında ikinci ən yüksək vəzifəni tutan Roskonun işdən çıxarılmasına səbəb Milli Təhlükəsizlik Şurasının iclaslarına aid məxfi sənədlərin mediaya sızdırılması olub. Sızdırılan materiallarda Böyük Britaniya nazirlərinin İran ətrafında mümkün hərbi ssenarilərlə bağlı müzakirələrinin yer aldığı bildirilir.
Diplomatik korpus üçün bu qərarın gözlənilməz olduğu qeyd edilir. Səfirlik əməkdaşlarına Roskonun vəzifədən uzaqlaşdırılması barədə mayın 19-da elektron poçt vasitəsilə məlumat verildiyi, lakin qərarın səbəblərinin açıqlanmadığı vurğulanıb.
Peter Mandelsonun vəzifədən ayrılmasından sonra Rosko təxminən beş ay ərzində səfirliyin rəhbəri vəzifəsini icra edib. O, həmçinin Donald Trumpın Böyük Britaniyaya dövlət səfərinin təşkili və Charles IIIın cavab səfəri ilə bağlı hazırlıq işlərində fəal iştirak edib.
2025-ci ilin dekabrında karyera diplomatı Christian Turner Böyük Britaniyanın ABŞ-dakı səfiri vəzifəsinə təyin olunub. Rosko da bu posta əsas namizədlərdən biri hesab edilsə də, yekunda səfir müavini vəzifəsində qalıb.
