Rusiyada sirli hadisə: Yuxuda səs eşitdi, sonra bədəni maqnitə çevrildi
Rusiyalı Mixail Vasilyev qeyri-adi qabiliyyəti sayəsində Ginnesin Rekordlar Kitabına düşüb.
Xpress.az xəbər verir ki, Vasilyev bu qabiliyyətinin 1998-ci ildə, yuxuda eşitdiyi sirli səsdən sonra yarandığını iddia edib. Onun sözlərinə görə, həmin vaxtdan metal əşyalar bədəninə yapışmağa başlayıb və o, getdikcə daha ağır predmetlərlə təcrübələr aparıb.
Mixail təkcə metal deyil, mərmər və ağac kimi materialları da bədənində saxlaya bildiyini bildirib. Onun fenomeni qısa müddətdə Rusiyadan kənarda da maraq doğurub və müxtəlif ölkələrin televiziya proqramlarında müzakirə olunub.
2000-ci ildə Dünya Rekordlar Kitabına daxil edilən Vasilyev iki il sonra Ginnesin Rekordlar Kitabında da yer alıb. Onun rəsmi rekordu 165 kiloqramdır. Bu nəticə televiziya çəkilişi zamanı qeydə alınıb.
