Dünya
Pakistanda partlayışlar: 7 nəfər ölüb
Xpress.az Redaksiyası
20.06.2026 13:30
Pakistanın şimal-qərbindəki Xayber-Paxtunxva əyalətində yol kənarına yerləşdirilmiş iki bombanın partlaması nəticəsində azı 7 nəfər ölüb.
Bu barədə "The Washington Post" qəzeti yerli hakimiyyət orqanlarına istinadən məlumat yayıb.
Bildirilib ki, hadisə Əfqanıstanla sərhədin yaxınlığındakı Bannu dairəsində baş verib. Birinci partlayış nəqliyyat vasitəsinə qarşı yönəldilib. İkinci bomba xilasedicilər hadisə yerinə gəldiyi an işə düşüb.
Vurğulanıb ki, hər iki partlayıcı qurğu məsafədən idarə olunub.
