Bir ildə 15 ton çörəyi zibilə atılmaqdan xilas etdi

Türkiyənin Ankara şəhərində hurdacılıqla dolanan Zəki Karakaya çörək israfına qarşı nümunəvi təşəbbüsü ilə diqqət çəkib. O, işi zamanı zibil qutularına atılan bayat çörəkləri toplayaraq son bir il ərzində təxminən 15 ton çörəyi israfdan xilas edib və Çorum bölgəsindəki sahibsiz və vəhşi heyvanlara çatdırıb.
Zəki Karakaya hər gün təxminən iki saatını küçələri gəzərək atılmış çörəkləri toplamağa sərf edir. Topladığı çörəkləri saxlamaq üçün "Çörək Anbarı" adlandırdığı xüsusi məkan yaradan Karakaya, təxminən iki aydan bir 2–3 ton çörəyi dağlıq ərazilərdə yaşayan vəhşi heyvanlara, quşlara və kəndlərdəki sahibsiz heyvanlara paylayır.

O, insanları çörək israfının qarşısını almağa çağıraraq bildirib: "İsraf etməyək. İstifadə edə bilməyəcəyimiz çörəkləri zibilə atmaq əvəzinə heyvanlarla paylaşaq."

Zəki Karakayanın bu təşəbbüsü həm ərzaq israfının azaldılmasına, həm də minlərlə sahibsiz və vəhşi heyvanın qidalanmasına mühüm töhfə verir. Kiçik bir addım belə, saysız-hesabsız canlının həyatında böyük fərq yarada bilər.

Xpress.az