Payız aylarında açıq havada gəzməyin FAYDALARI - Yaddaşı qəhvədən daha yaxşı gücləndirir…
Payız gəzintiləri, yaxud “leaf-peeping walks” təbiətin rəng dəyişimini izləmək yalnız estetik zövq deyil, həm də psixi və fiziki sağlamlıq üçün böyük fayda gətirir.
Açıq havada 20–30 dəqiqəlik gəzinti stress hormonu olan kortizolun səviyyəsini demək olar ki, 20% azaldır.
Payız təbiəti bir növ “canlı yenilənmə” effekti yaradır: beyni gərginlik rejimindən çıxararaq bərpa halına gətirir, diqqəti və məhsuldarlığı artırır. Bundan əlavə, payız meşəsinin parlaq rəngləri və qoxuları yaradıcılıq düşüncəsini və yaddaşı stimullaşdırır. Cəmi 50 dəqiqəlik gəzintidən sonra diqqət 20% artır, təbiətə müntəzəm çıxış isə idrak qabiliyyətlərini inkişaf etdirir.
"Payız “fitnesi”nin fiziki üstünlükləri də var. Belə ki, açıq havada yüngül idman hərəkətləri ürək fəaliyyətini yaxşılaşdırır, təzyiqi stabilləşdirir və D vitamini sintezini gücləndirir. Bu da yorğunluqla mübarizəyə kömək edir."
Mütəxəssislər payız gəzintisini kiçik bir rituala çevirməyi məsləhət görürlər: gözəl bir park seçmək, telefonu kənara qoymaq və hisslərə fokuslanmaq, quruyub yerə səpələnmiş yarpaqlar üzərində addım səsləri, yağışın qoxusu - belə anlar meditasiyanı əvəz edə və daxili tarazlığı bərpa edə bilər.
