Azərbaycan və Rumıniya media tərəfdaşlığını gücləndirir
Xpress.az xəbər verir ki, Azərbaycan və Rumıniya arasında media və informasiya sahəsində strateji əməkdaşlıq yeni mərhələyə qədəm qoyur.
Rumıniya Senatının bir qrup senatorunun Azərbaycana səfəri çərçivəsində ölkəmizdə həyata keçirilən media islahatları və inkişaf istiqamətləri barədə ətraflı məlumat təqdim olunub. Görüşdə audiovizual əməkdaşlığın genişləndirilməsi, informasiyanın təhlükəsizliyi, dezinformasiya ilə mübarizə və media tənzimlənməsi kimi vacib məsələlər müzakirə edilib.
Tərəflər, həmçinin media diplomatiyasının gücləndirilməsi və informasiya mübadiləsinin intensivləşdirilməsi imkanlarını nəzərdən keçiriblər. Ekspertlərin fikrincə, bu addımlar iki ölkə arasında münasibətlərin informasiya və kommunikasiya sahəsində strateji tərəfdaşlıq səviyyəsinə yüksəldiyini göstərir.
