250-dən çox könüllü kitab mağazasını bir saatda köçürdü
İngiltərənin Southampton şəhərində fəaliyyət göstərən bir kitab mağazasının sahibi yüksək icarə haqqı səbəbindən məkanını dəyişməli olub. Minlərlə kitabın yeni ünvana daşınması üçün edilən çağırış isə gözlənilməz həmrəyliklə qarşılanıb.
Şəhər sakinlərindən 250-dən çoxu — gənclər, yaşlılar və xüsusi ehtiyaclı şəxslər — könüllü olaraq köməyə gəlib. Köhnə məkanla yeni yer arasında cəmi 150 metr məsafə olmasına baxmayaraq, iştirakçılar kitabları sürətli və təhlükəsiz şəkildə daşımaq üçün “insan zənciri” yaradıblar. Kitablar əlbəəl ötürülərək yeni məkana çatdırılıb.
Birlik və həmrəyliyin bariz nümunəsinə çevrilən bu təşəbbüs nəticəsində köçürülmə işi cəmi bir saat ərzində tamamlanıb. Hadisə yerli icma ruhunun gücünü bir daha nümayiş etdirib.
Xpress.az
