McDonald’s CEO’su açıqladı: 2026‑da şirin‑ədviyyatlı dadlar və yenilikçi içkilər trend olacaq
McDonald’s CEO-su Chris Kempczinski, 2026-cı ildə fast food dünyasını təsir edəcək üç yemək trendini açıqladı
McDonald’s CEO-su Chris Kempczinski, 2026-cı ildə fast food (sürətli yemək) sahəsində hansı trendlerin ön plana çıxacağını açıqlayıb. Kempczinski qeyd edib ki, lif, şirin və ədviyyatlı dad kombinasiyaları ilə innovativ içkilər bu ilin ən önəmli trendi olacaq.
Liflər
Kempczinski-nin 2026-cı il üçün siyahısında “böyük təsir yaradacaq” kimi qeyd etdiyi liflər ön plana çıxır. Dietoloqlar da daha çox lif qəbul etməyin bağırsaq sağlamlığını dəstəklədiyini və xolesterolu aşağı saldığını bildirirlər.
Şirin və ədviyyatlı dadlar
Siyahının ikinci pilləsində unikal dad kombinasiyaları var. Kempczinski deyib:
"Şirin və ədviyyatlı dadların bir arada olması böyük bir qida trendi olacaq."
Fast food zəncirləri artıq bu trendi mənimsəyib. 2025-ci ildə Chipotle, KFC və Taco Bell kimi zəncirlər isti bal soslarını təqdim edib. Kempczinski əlavə edib:
"Ədviyyat həyatın daimi bir hissəsi olacaq və şirin bir toxunuş da görmək mümkündür."
Maraqlı içkilər
Kempczinski, 2026-cı ildə içki sahəsində də innovasiyaların olacağını bildirib. Ötən il fast food zəncirləri yeni içkilər təqdim edib; Taco Bell və Chick-fil-A kimi markalar içkiyə fokuslanan yeni məhsullar təqdim edib. Taco Bell, Live Más Café zəncirini açıb, Chick-fil-A isə həm qəhvə, həm də meyvəli sərinləşdirici içkilər təqdim edən Daybright zəncirini istehlakçılarla tanış edib.
Xpress.az
