Luçeskunun ölüm səbəbi açıqlandı
“Gazeta Sporturilor” nəşrinin direktoru və Mirça Luçeskunun yaxın dostu Ovidiu İoanitsoaya rumın mütəxəssisin ölümü barədə danışıb.
O, bu barədə “Golazo.ro”ya müsahibəsində danışıb.
“2-2.5 ay əvvəl onun heç bir problemi yox idi. Sonra leykoz ortaya çıxdı və hər şeyi mürəkkəbləşdirdi. Əslində, baş verənlərin səbəbi məhz budur. Biz diaqnozu gizlətməyə çalışırdıq, bunun şəxsi məsələ olduğunu deyirdik, lakin məhz leykoz ölümə səbəb oldu və onu sürətləndirdi.
Mən onunla İstanbuldakı matçdan bir-iki həftə əvvəl danışmışdım, çünki həkimlər ona həqiqəti deməkdən çəkinirdilər və mən vasitəçi kimi çıxış etdim. Dedim: “Mirça, həkimlər vəziyyətin ciddi olduğunu deyirlər”. O isə cavab verdi: “Mən heç nə edə bilmərəm. Belə başlamışam – əgər lazımdırsa, belə də bitirəcəyəm”. Bu, onun tərəfindən şüurlu şəkildə qəbul edilmiş bir risk idi”, – deyə İoanitsoaya bildirib.
Qeyd edək ki, Mirça Luçesku aprelin 7-də 80 yaşında dünyasını dəyişib.
