Mandalina Cannes Yolunda: Gənc Rejissor Beynəlxalq Uğura İmza Atdı
Yasin Dağlı imzasını daşıyan “Mandalina” adlı qısametrajlı film, Marché du Film çərçivəsində hazırlanan “Turkish Cinema Catalogue” seçiminə daxil edilib. Antalya Belek Üniversitesi dəstəyi ilə ərsəyə gələn layihə dünya kino sənayesinin nüfuzlu nümayəndələrinə təqdim olunacaq.
Universitetin Radio, Televiziya və Kino bölməsində təhsil alan gənc rejissor Yasin Dağlının bu uğuru universitet ictimaiyyətində böyük qürur və sevinc yaradıb. Təhsilini davam etdirə-davam etdirə beynəlxalq kino platformasında yer almağı bacaran rejissor, gənc kino yaradıcıları üçün ilham mənbəyinə çevrilib.
Özünəməxsus hekayə dili və güclü vizual üslubu ilə diqqət çəkən “Mandalina”, türk kinosunun yenilikçi və gənc simasını təmsil edən filmlərdən biri hesab olunur.
Türk kinosu Cannes-da gənc rejissorla təmsil olunacaq
Yasin Dağlı əldə edilən uğurla bağlı açıqlamasında, belə nüfuzlu və peşəkar platformada yer almağın onun üçün böyük qürur olduğunu bildirib:
“Bir xəyal kimi başlayan bu yolun Cannes kimi dünya səviyyəli platformaya çatması mənim üçün çox dəyərlidir. ‘Mandalina’ filminin ‘Turkish Cinema Catalogue’ seçiminə daxil edilməsi yalnız şəxsi uğur deyil, həm də gənc türk kino yaradıcılarının istehsal gücünün göstəricisidir. Bu prosesdə yanımda olan komandama və dəstəyini əsirgəməyən Antalya Belek Universitetinin rəhbərliyinə təşəkkür edirəm".
Gənc sənətçilərə dəstək
Antalya Belek Üniversitesi tərəfindən dəstəklənən layihə universitetin incəsənət, mədəniyyət və media sahəsində gənc istedadlara verdiyi önəmin nümunələrindən biri kimi qiymətləndirilir. Xüsusilə Radio, Televiziya və Kino bölməsi tələbələrinin peşəkar təcrübə qazanmasına önəm verən universitet rəhbərliyi onların milli və beynəlxalq tədbirlərdə fəal iştirakını təşviq edir.
Universitet ictimaiyyətində böyük sevinc doğuran bu hadisə kino və media sahəsində təhsil alan tələbələr üçün ciddi motivasiya mənbəyinə çevrilib.
“Mandalina” diqqət mərkəzində qalır
Daha əvvəl də müxtəlif platformalarda diqqət çəkən “Mandalina”, qısametraj film kateqoriyasında təqdim etdiyi fərqli baxış bucağı, güclü atmosferi və vizual dili ilə seçici heyətin rəğətini qazanıb. Film “Turkish Cinema Catalogue” seçiminə daxil olmaqla dünya kino sənayesinin önəmli nümayəndələrinə çatmaq imkanı əldə edib.
Kino çevrələrində gələcək vəd edən gənc rejissorlar arasında göstərilən Yasin Dağlı adının yaxın dövrdə həm yerli, həm də beynəlxalq layihələrdə daha çox eşidilməsi gözlənilir. Cannes-dakı bu başlanğıcdan sonra rejissor və komandası yeni film layihələri və festivallar üçün fəaliyyətini davam etdirir.
