Cəmiyyət
Şuşaya indiyədək xərclənən vəsait açıqlandı: 100 milyon manat...
Xpress.az Redaksiyası
21.05.2026 14:12
"Şuşaya 1 411 nəfər köçürülüb. Bu il Şuşanın təxminən bir-iki kəndinə köç olacaq. Növbəti köç mərhələsi gələn ilin ikinci-üçüncü rübündə olacaq".
Bu fikirləri WUF13 çərçivəsində Oxu.Az-a açıqlamasında Şuşa rayonunda Prezidentin xüsusi nümayəndəsi Aydın Kərimov deyib.
O bildirib ki, vətəndaşlar Şuşa şəhərində inşa olunan 43 çoxmərtəbəli binaya köçürüləcəklər:
"Gələn il təxminən 9 ailə Şuşaya köçürüləcək. Kəndlərə isə ilkin mərhələdə 50 ailə köçürüləcək".
A.Kərimov qeyd edib ki, Şuşaya tək dövlət yox, özəl sektor da investisiya yatırıb:
"Şuşaya bu günə qədər ümumilikdə, təxminən 100 milyon manatdan çox vəsait xərclənib".
