Qobustanın ən maraqlı SƏNAYE-MEMARLIQ ABİDƏSİ - FOTO
“Qobustan rayonunda regionun ən maraqlı sənaye-memarlıq abidələrindən biri yerləşir. Kərpicdən inşa edilmiş bu möhtəşəm tikili aradan bir əsrdən artıq vaxt keçməsinə baxmayaraq, öz əzəməti və monumental görünüşü ilə bu gün də heyranlıq doğurur”.
Xpress.az xəbər verir ki, bu barədə jurnalist Vahid Şükürov social media hesabında paylaşım edib.
O qeyd edib ki, sözügedən memarlıq abidəsi 1904-cü ildə tikilib və Bakı–Batumi neft kəmərinin nasos stansiyalarından biri kimi fəaliyyət göstərib: “Ehtimal olunur ki, bu bina 1904-cü ildə tikilmiş Bakı–Batumi neft kəmərinin nasos stansiyalarından biridir. Tarixi neft kəməri Bakı neftinin Qara dəniz sahilində yerləşən Batumi limanına nəql edilməsi məqsədilə inşa olunmuşdu.Maraqlıdır ki, bu tip stansiya binaları Azərbaycanın digər bölgələrində, eləcə də Gürcüstanın Qori və Mxeta şəhərlərində də qorunub saxlanılıb”.
Ərturan İSMAYIL
