Dünya
İranda ticarət gəmisi vuruldu - ABŞ günahlandırıldı
Xpress.az Redaksiyası
13.09.2026 12:01
İranın Hörmüzqan əyalətinin Qeşm şəhəri yaxınlığında ticarət gəmisinə hücum edilib.
Hadisə səhər saat 05:00 radələrində Hengam adası ilə Qeşm adasının Şib-Deraz sahili arasındakı sularda baş verib.
Qeşm şəhərinin başçısı Əmir Teymurinin sözlərinə görə, hücum nəticəsində bir nəfər ölüb, üç nəfər isə yaralanıb. Hadisənin digər təfərrüatlarının daha sonra açıqlanacağı bildirilib.
Teymuri hücuma görə ABŞ-ni məsul tutub. Ancaq gəminin adı, marşrutu və hücumun hansı vasitə ilə həyata keçirildiyi barədə hələlik əlavə məlumat verilməyib.
