Xpress.az
Bakı: 22°C

Bizi izləyin

Ana səhifə Siyasət Azərbaycan–Vyetnam münasibətləri inkişaf edəcək
Azərbaycan–Vyetnam münasibətləri inkişaf edəcək
Siyasət

Azərbaycan–Vyetnam münasibətləri inkişaf edəcək

Xpress.az Redaksiyası 20.11.2026 09:07

Azərbaycan Respublikasının Prezidenti İlham Əliyevin Vyetnama rəsmi səfəri ərəfəsində Vyetnam Xəbər Agentliyinə (VNA) verdiyi müsahibə iki ölkə arasında münasibətlərin mövcud vəziyyəti və gələcək inkişaf perspektivləri baxımından mühüm əhəmiyyət daşıyır. Dövlət başçısı müsahibəsində Azərbaycan-Vyetnam əlaqələrinin tarixinə, siyasi dialoqun inkişafına, iqtisadi əməkdaşlığın genişləndirilməsinə və humanitar münasibətlərin möhkəmləndirilməsinə toxunub.

Prezident İlham Əliyev iki ölkə arasında dostluq münasibətlərinin təxminən 70 illik tarixə malik olduğunu vurğulayıb. Bu əlaqələrin təməlində 1959-cu ildə Vyetnamın görkəmli dövlət xadimi Ho Şi Minin Bakıya səfərinin, eləcə də 1983-cü ildə Ümummilli Lider Heydər Əliyevin Vyetnama səfərinin mühüm rol oynadığını qeyd edib. Həmin tarixi səfərlər qarşılıqlı etimadın və əməkdaşlığın formalaşmasına böyük töhfə verib.

Müsahibədə ikitərəfli münasibətlərin müasir inkişaf mərhələsi xüsusi diqqət çəkib. 2025-ci ilin may ayında Vyetnam Kommunist Partiyası Mərkəzi Komitəsinin Baş katibi To Lamın Azərbaycana dövlət səfəri və Strateji Tərəfdaşlıq haqqında Birgə Bəyannamənin imzalanması əlaqələrin yeni mərhələyə yüksəldiyini göstərir.

Dövlət başçısı iqtisadi-ticari əməkdaşlığın genişləndirilməsi üçün böyük potensialın olduğunu bildirib. Energetika, neft-qaz sənayesi, kənd təsərrüfatı, investisiya və nəqliyyat-logistika sahələri perspektivli istiqamətlər kimi qeyd olunub. Azərbaycanın əlverişli coğrafi mövqeyi və Orta Dəhlizdəki rolu Vyetnam məhsullarının Avropa bazarlarına çatdırılması baxımından da yeni imkanlar yaradır.

Müsahibədə humanitar və mədəni əlaqələrin əhəmiyyəti də vurğulanıb. Heydər Əliyev Fondunun Vyetnamda həyata keçirdiyi təhsil və xeyriyyə layihələri, həmçinin sovet dövründə minlərlə Vyetnam vətəndaşının Azərbaycanda təhsil alması xalqlarımız arasında mövcud olan tarixi dostluğun bariz nümunələridir.

Prezident İlham Əliyev Vyetnamın Azərbaycanın suverenliyinə və ərazi bütövlüyünə verdiyi dəstəyi də minnətdarlıqla xatırladıb. Eyni zamanda, Azərbaycanın Vyetnamda təbii fəlakətlərdən zərər çəkmiş əhaliyə göstərdiyi humanitar yardım iki ölkə arasında münasibətlərin qarşılıqlı etimada və həmrəyliyə əsaslandığını nümayiş etdirir.

Ümumilikdə, Prezident İlham Əliyevin müsahibəsi Azərbaycan-Vyetnam münasibətlərinin zəngin tarixi ənənələrə söykəndiyini və gələcək üçün geniş əməkdaşlıq imkanlarına malik olduğunu bir daha nümayiş etdirir. Siyasi dialoqun möhkəmləndirilməsi, iqtisadi əlaqələrin genişləndirilməsi və birgə layihələrin həyata keçirilməsi hər iki ölkənin maraqlarına xidmət edir. Vyetnama rəsmi səfər də bu dostluq münasibətlərinin daha da inkişaf etdirilməsi baxımından mühüm əhəmiyyət daşıyır.

Əminə Ağazadə

Milli Məclisin deputatı

Paylaş:

Oxşar Xəbərlər

Populyar Xəbərlər

Xəbər Lenti

Bu il Mərkəzi Bank hansı qanun pozuntularına görə bankları cərimələyib? –

21.11.2026 18:19 İqtisadiyyat

Məleykə Abbaszadə heç bir əməkdaşın işdən azad olunması ilə bağlı əmr imzalamayıb

21.11.2026 17:58 Cəmiyyət

Sabiq təhsil məmurlarının növbəti ünvanı: BDU

21.11.2026 17:33 Təhsil

“Sən sağal, həyata qayıt...” –

21.11.2026 16:42 Gündəm

Masallıda “Şüurlu Ata – Sağlam Gələcək” layihəsi həyata keçirilib

21.11.2026 16:22 Cəmiyyət

Qaz limitləri sıfırlanır -

21.11.2026 14:23 Cəmiyyət

Sevda Əsgərova

21.11.2026 14:14 Cəmiyyət

Bazar günü hava necə olacaq?

21.11.2026 13:48 Cəmiyyət

Hərbi geyim qaydasını pozanlar 700 manatadək cərimələnəcək

21.11.2026 10:30 Cəmiyyət

Bir gecədə sönən üç həyat, yarımçıq qalan arzular:

21.11.2026 09:48 Gündəm

Prezidentlər Birgə Bəyanat qəbul etdilər –

21.11.2026 09:03 Siyasət

İnqilab Süleymanov SABAH.HUB-da yeni vəzifəyə təyin olunub

20.11.2026 20:48 İqtisadiyyat

DTX terror təşkilatının fəaliyyətində iştirak edən şəxsləri həbs edib

20.11.2026 18:56 Hadisə

REGİONAL EXPO GƏNCƏ 2026 sərgisinin rəsmi açılış mərasimi keçirilib

20.11.2026 17:59 Cəmiyyət

Naxçıvanda “TerraNext – Gənc Ekoliderlər Proqramı”na start verilib

20.11.2026 17:38 Cəmiyyət

Blogger jurnalist statusu ala bilərmi?

20.11.2026 15:49 Media

Android-i artıq iPhone-da da işlətmək mümkün olacaq:

20.11.2026 15:30 Texnologiya

Çingiz Əsədullayevin əmlakları milyonlarla manata satışa çıxarılır

20.11.2026 15:22 Gündəm

Xəbər Bülleteni

Ən son xəbərləri email ünvanınıza göndərək