Velosiped sürmək stresi azaldır
Klinik və idman psixoloqu Natalya Zyazinanın fikrincə, velosiped sürmək meditasiyaya bənzəyən dövriliyi sayəsində stresin öhdəsindən gəlməyə kömək edir.
O bunu "Komsomolskaya Pravdaya" müsahibəsində bildirib.
Psixoloq deyib ki, velosiped idmanı biomexaniki hərəkət quruluşuna görə dövri fiziki fəallıq növlərinə aiddir. Bu da eyni hərəkətin təkrarlanması deməkdir. O əlavə edib ki, bu, orqanizmin bütün sistemlərinin fəallaşmasına, optimal sinir-psixoloji gərginlik səviyyəsinə çatmasına, habelə fiziki işdən sonra xoş hisslər keçirməsinə kömək edir.
Bundan əlavə, velosiped sürərkən özünə nəzarət və fiziki gərginliyə davam gətirmək bacarığı məşq olunur. Velosipedi yavaş sürmək insana meditasiya təsiri edir, onun rahatlaşmasına və stresdən qurtulmasına səbəb olur. (Oxu.Az )
