Bakı bu xüsusiyyətinə görə dünyanın DİQQƏTİNİ ÇƏKDİ
Bakı dünyanın dəniz səviyyəsindən ən aşağıda yerləşən paytaxt şəhəridir.
Təxminən –28 metr hündürlükdə yerləşən paytaxt həm də əhalisinin sayına görə regionun ən böyük şəhərlərindən biridir. Bu nadir xüsusiyyət şəhərin Xəzər dənizinin sahilində yerləşməsi ilə bağlıdır.
Xəzər dənizi adi okeanlardan fərqli olaraq qapalı su hövzəsidir və onun səviyyəsi geoloji və iqlim amillərinə görə zaman-zaman dəyişir. Tarixi dövrlər boyu dənizin səviyyəsi gah qalxıb, gah da enib, nəticədə Bakı ətrafındakı sahil relyefi formalaşıb.
Mütəxəssislərin sözlərinə görə, dəniz səviyyəsinin dəyişməsi şəhərin sahilboyu planlaşdırılmasına və ekosistemlərinə birbaşa təsir göstərir. Dənizə yaxınlıq və alçaq relyef isə Bakının iqlimini nisbətən yumşaq edir.
Həkimlərin fikrincə, şəhərin dəniz səviyyəsindən aşağıda yerləşməsi insanların sağlamlığına mənfi təsir göstərmir. Əksinə, bu şəraitdə hava təzyiqi bir qədər yüksək olduğundan nəfəsalma üçün daha əlverişli hesab olunur.
