Bu tənzimləmədə radiator həm isti olacaq, həm də hesabınız azalacaq

Qış yaxınlaşdıqca artan təbii qaz qiymətləri vətəndaşların cibini çətin vəziyyətə salarkən, bir kombi ustasının sadə, lakin təsirli qənaət tövsiyəsi gündəmə gəlib.
Mütəxəssis bildirib ki, radiatorun düzgün tənzimlənməsi həm istilik rahatlığını artırır, həm də faturalarda ciddi azalma yaradır.

Kombi ustasının sözlərinə görə, radiator üzərindəki hər rəqəm müəyyən otaq istiliyinə uyğundur. Lakin düyməni (kadranı) lazım olandan çox çevirmək, evin həddindən artıq isinməsinə və qaz sərfiyyatının artmasına səbəb olur.

“Radiatorun ayarını 3-dən yuxarı qaldırmayın. Bu səviyyə otaqları ideal temperaturda saxlayır və hesabı artırmır.”

Yalnız termostatın yerləşdiyi əsas otaqda ayarın bir qədər yüksək olmasının mümkün olduğunu da əlavə edib.

Usta həmçinin bildirib ki, yataq otaqlarında radiatoru 2–3 aralığında saxlamaq kifayətdir – bu tənzimləmə 15–20°C istilik təmin edir.
Oturma otaqlarında isə 3–4 arası ayarlar həm rahatlıq, həm də qənaət baxımından ideal sayılır.

“Əgər uzun müddət evdə olmayacaqsınızsa, radiatoru qar dənəsi işarəsinə gətirin.
Bu ayar boruların donmasının qarşısını alır və lazımsız enerji sərfini önləyir.”