Qız 35 gün ərzində yalnız siçovul yeyərək 14 kilo ARIQLADI
Çində 25 yaşlı qadın sağ qalma yarışında iştirak edərək 35 gün boyunca adada təkbaşına yaşayıb. Bu müddətdə o, əsasən siçovul yeməklə qidalanıb və nəticədə 14 kiloqram arıqlayıb. Gənc qadın yarışmada üçüncü yeri tutub.
Xpress.az xəbər verir ki, South China Morning Post-un məlumatına görə, oyun oktyabrın 1-də Zhejiang əyalətindəki bir adada başlayıb və iştirakçı noyabrın 5-nə qədər sağ qala bilib. Gənc qadın yarışda iştirakına görə 7500 yuan (təxminən 85 500 rubl) mükafat alıb.
Onun sözlərinə görə, adada qidalanmaq üçün xərçəng, dəniz kirpisi, müxtəlif qabıqlı balıqlar və təxminən 50 siçovul yeyib. O, bu "pəhriz" nəticəsində 14 kiloqram çəki itirdiyini və 71 kiloqrama düşdüyünü bildirib.
